「鄰舍,NEI HO! 多元文化交流計劃」開始啦!

「鄰舍,NEI HO! 多元文化交流計劃」終於喺10/3開始咗啦!
當日分別有嚟自印度、巴基斯坦、菲律賓、泰國、加拿大、法國等唔同國籍嘅朋友同香港青年一齊學編織同畫Henna。

喺學編織嘅時候,因為大部分嘅朋友都係第一次嘅關係,往往會遇到唔少困難,面對唔識織嘅情況,香港嘅朋友一直為少數族裔嘅朋友做翻譯協助講解,而不黯廣東話嘅朋友都會慢慢咁將逐個逐個步驟做出嚟,教翻唔同嘅學員。

而畫Henna嘅時候,有一個文化分享環節,就係一個少數族裔嘅朋友會同香港嘅朋友一齊完成一幅畫,而大家都要畫出能夠代表自己國家文化嘅圖畫,畫嘅ART JAM 作品都非常有趣!

如果大家想學編織,下星期六10a.m.可以嚟茵怡青年空間join我地;而如果想睇大家畫嘅作品,我地會於24/6舉行多元文化市集,想知詳情就留意我地嘅網頁,或者係Facebook page「香港青年協會賽馬會茵怡青年空間」啦!